Was isch solidarischi Landwirtschaft?

​

Bir solidarische Landwirtschaft wärde di produzierte Läbensmittu nüm übere Markt vertribe, sondern fliesse ine eigete überschoubare Wirtschaftskreislouf, wo us Teilnämer – sogenannte Pate – besteit, wo das Projekt mitorganisiere, und mitfinanziere. So chöit dir aus Teilnämer und mir aus Produzänte zäme Ernährigskultur gstaute, aber ou d' Verantwor-tig träge für d' Läbensmittuproduktion und s'Tierwohl.

Was wei und chöi mir biete?

​

Es isch bekannt, dass regumässigi Begägnige zwüsche öutere Lüt und Ching uf beid Generatione aktivierend, integrierend, und entwickligsfördernd würke. 

Drum wei mer genau sötigi Begägnige fördere und biete in Form vomene Intergeneratione-Projekt e Tagesbetröiig  für SeniorInne und gliichzytig e Burehof-Spiugruppe für Ching ab 2.5 jährig.

Eso chöi beidi Autersgruppe vonang profitiere und e gueti Zyt zäme verbringe.

 

Was isch e Läbenshof?

​

E Läbenshof isch e Iirichtig wo verschideni Tier vo Mönsche für ne unberschränkti Zyt versorgt wärde und eifach chöi si, ohni e Nutze müesse z'erbringe.

 

Genau sone Platz wei mir üsne Chliitier biete und ihne es Läbe aus üsi Wägbegleiter schänke, ganz eifach so, wie si's verdient hei.

 

D'Tier söue aber ou e Beriicherig si für üsi Mönsche wo mir bi üs betröie.

​