Härzlech wiukomme ufem
Burehof Seelefride
für Mönsche, Tier und d'Natur
Üsi Vision
Ufem Burehof Seelefride söu e Brügg entstoh zwüsche Mönsch, Tier und der Natur. Für die Brügg solid z'boue, hei mir üs drei Brüggepfiler zwäggschmidet und wette die zäme mit öich fest im Bode verankere.
Milchwirtschaft
Wird Gotte oder Götti vo eire vo üsne Chüeh und du überchunsch im Gägezug Miuch, Rahm u Anke.
Du wirsch dür das aber nid eifach e "Miuchabnämer" sondern söusch gseh, was bi üs ufem Burehof aus abgeit und chasch säuber mit apacke, wenn wosch.
Der Mönsch im Mittupunkt
SeniorInne und Vorschueuching söue sech bi üs chönne ustuusche, vonang lehre und enang guet due.
Drum starte mir es Intergeneratione-Projekt u biete e Tagesbetröiig für di öuteri Generation in Kombination mit ere Spiugruppe für di Jüngere ab 2.5-jährig a.
Läbenshof für Chliitier
Mir biete Chliitier, wo i der Familie oder uf em Burehof nüm wiukomme si, es nöis Deheime. D'Mönsche wo bi üs betröit wärde dörfe mitne Zyt verbringe, ihre Ungerhaut mache oder ganz eifach ihri Fründe si.
Mir fröie üs, wenn du di mitere Pateschaft am Ungerhaut würdsch beteilige.
Die Mönsche wo üsi Agebot bezieh söue nid ume "Miuchabnämer", "Betröiti" oder "Pate" si, sondern mir wei zäme mit ihne - zäme mit öich - es Gmeinschaftswärch erschaffe wo däm Burehof dä Zouber verleiht woner verdient.
Dir aui söuit vo dere Rueh, vo däm Flair, vo dere Umgäbig u vorauem vom Mitenang chönne profitiere u e Teil vom Ganze wärde.
Wachsendes Vertrauen zueinander ist ein guter Boden
für ein fruchtbringendes Miteinander
Ernst Ferstel
